كما أعلنت القناة أنها استدعت الصحفية للتحقيق معها واتخاذ كل التدابير التأديبية اللازمة لتلافي مثل هذه التجاوزات في المستقبل.

من جهته، نشر الاعلامي علاء الشابي تدوينة عبر حسابه الخاص على موقع التواصل الاجتماعي الفايسبوك لردّ على حملة الانتقادات الواسعة التي لحقت البرنامج .

وقال علاء الشابي "صحيح الصحفية غلطت و الكلنا نغلطوا" متابعا "شبيه البرامج اللي تناولوا موضوع كورونا ما تكلم عليهم حد و معملوش ضجة زعمة خاطرني مش متاع مباشر و إلا حدي حد عندي ما نقلك ؟ نختم بالقول اليوم البرنامج لاهو ضد فلان و لا فلتان و راني منفهمش في السياسة و البرنامج ماهوش سياسي اصلا شكر خاص لوزارة الصحة اللي تعاونت معانا و وزارة الداخلية و النيابة العمومية و كان اليوم لبلاد واقفة علي ساقيها علي خاطر خدموا خدمتهم و الاعلام خدم خدمتو ربي يحمي تونس و يحفظنا".

وفي ما يلي نص التدوينة: 

اللي في ماشي في بالو من خلال برنامجي كلنا تونس اني ضد وزارة الصحة و السيد عبد اللطيف المكي غالط في احساباتو
سي عبد اللطيف استدعيتو و اعتذر خاطر عندو اجتماع و قررت وزارة الصحة تعويضو بالدكتورة ريم
اللي تقال اليوم في البرنامج تقال في البرامج و التلافز الكل . املا شنيا المختلف و اللي عمل ضجة في برنامج الليلة؟؟
1 اللي يقولو علاء مش متاع مباشر و متاع عندي ما نقلك متقلقنيش خاطر في رصيدي آلاف الساعات و مازلنت نتعلم
2 أنا أول المدافعين علي وزارة الصحة رغم قلة الإمكانيات و علي المجهود الكبير اللي يعمل فيه سي عبد اللطيف المكي. أما دوري كصحفي نخلي ضيوفي يعبروا بكل حرية
3 تناولت زوايا في موضوع كورونا متناولها حد
4 صحيح الصحفية غلطت و الكلنا نغلطوا
5 شبيه البرامج اللي تناولوا موضوع كورونا ما تكلم عليهم حد و معملوش ضجة زعمة خاطرني مش متاع مباشر و إلا حدي حد عندي ما نقلك ؟
نختم بالقول اليوم البرنامج لاهو ضد فلان و لا فلتان و راني منفهمش في السياسة و البرنامج ماهوش سياسي اصلا
شكر خاص لوزارة الصحة اللي تعاونت معانا و وزارة الداخلية و النيابة العمومية و كان اليوم لبلاد واقفة علي ساقيها علي خاطر خدموا خدمتهم و الاعلام خدم خدمتو
ربي يحمي تونس و يحفظنا.