وقد ظهر من خلال سطور التدوينة أنّ ما شاهده الطبيب كان صعب جدا ويُشاهد لأوّل مرة رغم أنّه يُمارس مهنة الطب منذ سنوت، وقال الطبيب أنّ ما شاهده لم يُشاهده طيلة حياته وقرأه في طتب الطب فقط، وفيما يلي نص التدوينة :

مازلت كيف خرجت من استعجالي مستشفى القصرين ، مازلنا كيف قمنا بإسعاف و نجدة أخر جريح من الكارثة في هذا اليوم الكارثي، الطقس جنائزي باتم معنى الكلمة ، مطر في شهيلي في طقس رمادي وسط عملية إرهابية ابان حادث ، كيف كنت في استعجالي سهلول حضرت على كوارث اما الي ريتو اليوم عمري لا ريتو و لا تخيلتو، حادث جنائزي مروع بأتم معنى الكلمة مخلط بالإرهاب . كميون يضرب كار يضرب كراهب يجي في وسط سوق ، النتيجة تقريبا 20 قتيل ،و حالات حرجة في الانعاش و بن عروس و تقريبا 85 جريحا. مشافي صفاقس والعاصمة و الساحل مشكورة ابدت تعاونها الكامل و اللامشروط و تجهزت تستقبل في الحالات الأعظم.

جثث محترقة من الدرجة الرابعةBrûlures du quatrième degré ou « carbonisation » انا عمري لا ريتها كان في كتب الطب اصابة ناتجة عن blast متاع قنبلة .حاجة ما قريتها كان في الكتبkif-kif تشوفها كان في طب الحروب. الموتى لكلهم من نفس العروش عباد بسيطة من طبقة اجتماعية بسيطة يحملون تقريبا نفس الالقاب.. مصابهم واحد

حاجه وحدة في الكوارث الي حضرتلها قبل الوزير الأول بيدو كان حاضر و وزير الصحة جا يطمن. اليوم ماريت حد يمثل الدولة ( اللهم وقتها غافل و جوا و ما ريتهمش).

ناس عظيمة في صبرهم على الموت.

هذا اليوم من اصعب الايام في حياتي في القصرين ،ما عاد عندي ما نزيد الله يرحمهم".