علق المدون و النشط السياسي ياسين العياري على صفحته الرسمية بالفايسبوك بخصوص الأخبار المتداولة حول …
سريبات رؤساء القائمات و تضمن نص التدوينة الأتي : "بدأت  تسريبات رؤساء القائمات. حتى لتوة، حزب المدبية، الظلامي، الإرهابي، الرجعي : خمسة نساء رؤساء قائمات.في حين حزب الحداثة و التنوير و المرأة و النمط التونسي و الفغنسي يعبر خير : فما كان اللومي متع زيارة إسرائيل شرات رئاسة قائمة. حزب الإخوان الرجعي، تنتخب مكاتبه السياسية خمسة نساء، باش يقودو المعركة الإنتخابية. حزب بورقيبة و الأنوار و الحداثة : يعين النساء في ما يراه صالحا لهن :مكملات، فقط زغراطات، الله و أحد الله و أحد و الباجي ما كيفو حد. هذا الواقع، كي تنحي التفليم و الشعارات و تشقشيق الأحناك، الواقع منغير روتوش. ثمة إحتفالات السنا بعيد المرأة و مسيرات و حراير و فلكلور.. و لا كان تحت النهضة هذاكا، تحت التكنوكرات طز في المرأة و العسول!! كان خرجو الزغراطات السنا، نصيحة ليهم : عيطو، المرا التونسية، إش خص كان جات كي محرزية : فكت بلاصتها رئيسة قائمة و خذات ثقة مكتب حزب فيه مليون منخرط بلا مزية كوطا و لا تعيين، في حين أنه "الحراير" خدمو بيهم، و وقت الجد.. خلاوهم يزينو القوائم من تالي..و للتزغريط! و سلملي على الحراير! و النساء و نص، و بقية الشعارات الفارغة : هذا ما أنتم حقيقة في نظر من يتاجر بكن :فقط .. زغراطات، مكملات!"