كتب الناشط ياسين العياري على صفحته الرسمية بالفايسبوك معلقا على العمليات الارهابية و أهدافها. و جاء نص…
لتدوينة كالاتي : سأحدثكم عن السياسة.. الهدف : إسقاط حكومة. العملية : أولادي في الداخلية، يحجبو على الوزير مراسلة من المخابرات الأمريكية أنه المرحوم البراهمي مستهدف. أناهم أولادي.. شوفو فاتورة التاليفون تعرفو. أصحابي، أو حلفائي، أو سميوهم إش تحبو، يغتالو البراهمي. من بعد، أولادي، يسربو للراي العام، الوثيقة الي حجبوها على الوزير. يتحقق الهدف. هاي السياسة كيفاش تتخدم. نزيدكم مثال ثاني. المشكل : الجيش موش مضمون. أولادي في الداخلية يكتبو تقرير أمني مفصل على عملية إرهابية. منين ليهم التفصيل المفصل : ياخي ماهم حلفائي و أصحابي الي بش يعملو العملية! وحلفائي ما يخبيو عليا شيء! الوثيقة توصل وزارة الدفاع، و أولادي يحجبوها على رئيس الأركان. أصحابي و حلفائي، ينفذو العملية الإرهابية يموت خمسطاش ولد حفيانة. مبعد ولدي في التلفزة يفضح الي الوثيقة موجودة. كي حبو يحاكمو ولدي، نحطله المحامي الشخصي متاعي، مزال حاشتي بيه. رئيس الأركان يطير. تحقق الهدف. فهمتو إش معناها سياسة : هدف، وسائل و الرحمة لا. بالك تسخايبوها السياسة زوز خرجو في التلفزة يحكيو على غلاء الأسعار، بالك لعب ذري هي! و البراهمي و الجنود : عند الي يعمل في السياسة، خسائر مقبولة و الي يحب يعمل السياسة أرواح الناس عنده، فقط أرقام. الربح المرة هاذي دوبل : رئيس الأركان يطير، تقزيم المرزوقي، و ترتيب البيت الداخلي. اش مدخل البيت الداخلي.. الباجي جد عليه زعيم، و حب هكة يحبي تحت من يمرد، و يحصر جماعة سي كمال. سي كمال وراه بالنقشة الإخرة إنه مزال يفعل و قادر و نص، إش خلا سي الطيب، ملي كان مقدم إستقالته و جاب كان زوز أصوات في الإستشارة متع قوائم الداء، يلقى روحو رئيس قائمة. من يعتقد انه السياسة هي ضربان اللوغة في التلافز، واهم. السياسة ملي تخلقت الدنيا، تحت الطاولة. صحة سي كمال، موهر، حلوة تصويرتك في سفارة الدزاير. ما فما شيء ما تعرفوهش : الي ثمة، قالهولكم الراجحي. شكرا سي كمال على الدروس في السياسة، عساها تنفع .. الي يسخايب روحو يتكتك. نحب نأكد إني مانيش نحكي على تونس، راني نحكي على الموزمبيق الشقيق. و أي تشابه في الأسماء و الوقائع هو من وحي الصدفة.