كتبت لينا بن مهني المدونة و الناشطة السياسية على صفحتها الرسمية بالفايسبوك تعليقا على قرار رئاسة الحكومة في…
لق بعض المنابر الإعلامية على غرار قناة الانسان و اذاعة نور و العديد من صفحات التواصل الاجتماعي فايسبوك أن حرية التعبير مهددة . كما انتقدت اتخاذ هذا القرار دون إذن قضائي و اعتبرت الناشطة أن هذا الخرق من أهم مسببات الحد من حرية التعبير . و جاء نص التدوينة كالاتي : كلامي مش باش يعجب...!! آما كالعادة تعوّدت نعبّر بلا خوف وباش نكمّل هكّاكة ـــــــــــــــــــــــــــــــــــــــــــــــ الايّامات لخّرة برشة حديث على "مراقبة الانترنات" (!؟) و"تسكير قنوات" (!؟) وغيرو... بدعوى "مقاومة الإرهاب" (!؟) والحديث هذا خطير...!! تفكّروا إنّو الايّامات الاولى بعد ما مشى "بن علي" كنّا نقول: أهمّ حاجة (كان مش: "الحاجة الوحيدة اللّي ربحناها") هي "حرّية التّعبير"...!! اليوم... "الحرّيّة" هاذي "مهدّدة"...!! وعلى فكرة اللّي "يسكّرلك موقع متاع إرهابيين" "بدون إذن قضائي" ينجّم "يسكّرلك أيّ موقع آخر" بـ"أيّ تعلّة"...!! ــــــــــــــــــــــــــــــــــــــــــ نقطة أخرى: --------------- صحيح... واجبنا نساندو قوّات الأمن والجيش في حربهم (اللّي هي حربنا زادة) على "الإرهاب"... آما ما لازمناش ننساو اللّي هاذاكة واجبهم وماهيش مزيّة واللّي حتّى حدّ باسم "مقاومة الإرهاب" (!؟) ما عندو الحق باش يقمع وباش يعتدي على الحرّيات الخ... ـــــــــــــــــــــــــــــــــــــــــــــــ صحيح... الجنود والأمنيّين البواسل مضحّين... آما مش الكلّ...!! اللّي نعرفو ومقتنعة بيه اللّي عدد كبير من "النّقابيين الأمنيّين" اللّي "يشبرشوا علينا" في "التّلافز" كلّ ليلة ووصلوا يحكيو بلغة "سلاح" و"ثقة كبيرة في النّفس" كارهم تحاكموا (عندهم مدّة) على "توّرطهم مع نظام بن علي"...!! ـــــــــــــــــــــــــــــــــــــــــــــــ خسارة وبرّة ذاكرتنا ضعيفة...!! ويا ناري على شعب يجري لـ"عودة دولة بوليسيّة" "خوفا من الإرهاب" (!؟)