نشر المدون ياسين العياري على صفحته الخاصة معلومات قال بانه سيكشفها لاول مرة حول تزوير انتخابات 23 اكتوبر 2011…
ضغط خارجي، واكد ان حزب حركة النهضة قد تحصل على الاغلبية لوحده ب121 مقعدا. كما انه نشر معلومات اخرى حول الوضعية الحالية للاتحاد العام التونسي للشغل وتحييد الجيش الوطني التونسي تماما عن التجاذبات السياسية. ما نشره العياري: سأتكلم كما لم أتكلم من قبل، قد يقول بعضكم مهبول، لا بأس نعم، الإنتخابات مزورة، و كمال الجندوبي و رشيد عمار و الباجي أطراف في التزوير بأكبر البقايا و بقية الخرطر، النهضة تحصلت على121 مقعد موش89 و كانت عندها أغلبية، و لا بن جعفر و لا سمير بالطيب و لا مية الجريبي جابو حق كرسي، وقع ضغط خارجي على النهضة و تخويف من سيناريو جزائري لتقبل، حتى في قيادات النهضة بيدها قليلون من يعلمون، فهمتو توة علاش لما هبطت بالأدلة إنه وقع تلاعب بنتيجة الإنتخابات، الأحزاب الديمقراطية الكل زعمة زعمة تلفت الجرة و سكتت: الكل في بالهم، الكل يعرفو الي التلاعب صار لصالحهم موش العكس. الي يقولو عليه طرطور، لعبلهم لعبة معلمية، غدوة و الا بعد غدوة، يخرج الخبر، ممكن للكثيرين لن يعني شيئا، ممكن ما يسمعوش بيه جملة، لكن الجيش حيد تماما و آخر بيادق سكرة في وزارة الدفاع وأخطرها: باي باي ربما نسيتو الكل التهديدات الكتابية الي جات لأحد نواب المؤتمر حول قانون تحصين الثورة، البحث فيها وصل لخلية تجمعية و وقع حجز قطعتين سلاح عندها الإتحاد بدأ يتآكل، جبهة تصحيح المسار النقابي فاتت السبعين ألف، مكاتب كيما مكتب بنزرت تفكت. . و لا يلعب على وجوده بعد ما انفضت من حوله الناس لأنه كثر مصطفى بن جعفر حصل! كان بش يرجع للترويكا معادش يعطيوه الثقة، و المعارضة يستحيل يعطيوه دور قيادي، صارلو كلي سرق من دار بوه و أعطى للسراق: لا بوه يسامحو و لا السراق يقبلوه منهم، في يدو جمعة للتفكير، منا تشوي من غادي تكوي. حمى الهمامي تبلع، و في جرة زوز صوردي لقى روحو تزبك، لا ينحم يطيح نظام، لا خلى للصلح مكان: سيحرق نفسه كلاميا: مسألة وقت فقط أمله الوحيد هو الي لعبو بيه: الدماء الدماء الإنقلاب الذي له أكثر فرص للنجاح هو إنقلاب النهضة على النهضة، إنقلاب الغاضبين على ديلو و البحيري، إنقلاب متع جماعة الصدام الي حلفو لا عودة للسجون و المنافي مهما كان الثمن، على جماعة التدرج و إربح الوقت، القطوس الوديع الحنين كي تحصرو في تركينة،يوليلك غول، و الإتقلابيين حصرو رواحهم و النهضة في تركينة. ما تنساوش، السلفية ضد الديمقراطية، اما ما عطلوش المسار، لكن لو تحل باب الإنقلابات، توة ينقلبو عليكم هوما، و سيفوزون، فإن كان الإنقلابيون أقصى طموحهم يلمدو100 من عند البوكت يحملو الغاز، الأخرين يلمو آلاف يضربو بالكرطوش، و تكون غلطتكم انتوما و جيتوه لأرواحكم لما كفرتو بالصندوق، و ان كانو10 أو 15 ألف، فإنتظرو تسولف200 أو300 ألف من قواعد النهضة و زيدهم كل من حبيتو تفكو صوتو بالغورة كلما زدت اطلاعا على ملف القناصة، زدت يقينا اني غير قادر على حماية نفسي أو مصادري، و أنه لا سلطة سياسية قادرة على حمايتي، و أن الرصاص سيكون أسرع من كلمات لن يصدقها أحد. لماذا وقع إغلاق موقع المخابرات(داخلية) في جبل الشعانبي أيام قبل قتل الجنود? ماهو عدد الجنود الحقيقيين؟ الناقص شكونو و وين مشا؟ أعتقد أن الأيام المقبلة ستكون عصيبة، و أنه لأول مرة منذ فظ القصبة2 يمكن للشارع و الشباب قلب المعادلة، كل المعادلة. . رسالة إلى نزار بهلول، ريض خيرلك مانيش فرد مستوى معاك، ما نكورش درجة ثانية، كان ماكش بش تريض ما نعملش راسي من راسك، اما نبهدل بحال عروفاتك اللطيف و حبيب : كيف يموتو كبار الحومة يا كبدي و سلملي على12 مليون(تي هاك في الصولد) متع الفرنسيس في حكاية التيليكوم.. و صدقني قادر نبهدل عروفاتك و يجيبوك للثنية، فألعب مع أندادك: ليس كل مدور كعك ماهو في هذا الستاتو، ماهيش تحاليل : معلومات، لمن أراد هاني قدامه، و لمن لم يدرك خطورة الوضع: إن الغد لناظره قريب، و الي جات في شكل أسئلة لتفادي التتبع القضائي