إرهاب إسلامي.. لا يفجر بار، لا ماخور، لا قهاوي محلولة في رمضان لا بواط د نوي، لا يستهدف وزير داخلية سابق ملي…
عدوهم على الفانطا، لا يستهدف أنتان التلفزة الي في الشعانبي الي تبث "في الكفر و الفجور" إرهاب إسلامي، يقتل جنود صايمين يشقوا في فطرهم إرهاب إسلامي، في منطقة عسكرية مغلقة تحرسها الدزاير م الشيرة الأخرى، في حين من شيرة ليبيا، الي السلاح مكدس، لا جيش لا حرس لا شكون يشد و يعس عمره ما يجي. إرهاب إسلامي، توحى بمواعيده بدقة نقابة البوليسية و فريد الباجي. إرهاب إسلامي، يتزامن بدقة مع : وقت تحصين الثورة، تكميل الدستور، رفض العريض الإستقالة، طلب الباجي توخير الإنتخابات إرهاب إسلامي، و الصومالي الي شدوه و المتهم الرئيسي في قتل البراهمي، تحليله طلع فيه الزطلة و موش حافظ جزء عم إرهاب إسلامي، و جمعة قبله فقط.. طردوا.. موش حاكموا خلي نفهموا الحكاية، أما طردوا تحت حس مس، 120 بوليس لصلتهم بالإرهاب إرهاب إسلامي، هاني ناكل في القرط بالكشي!! الي هز السلاح، بولحية و جاد عليه، و مكفرنا الكل و في بالو مجاهد : لا نختلف موجودين بيناتنا : لا نختلف. وين نختلف : أنتم ترونهم سببا و أنا أراهم نتيجة. وين نختلف : أنتم ترونهم فاعلين و أنا أراهم أداة. وين نختلف : أنتم ترون وقف الإرهاب بالتخلص منهم، أنا أراه بالتخلص ممن يستعملهم و يستثمر ما يفعلون. وين نختلف : أنتم تريدون مداواة أعراض المرض، و أنا أشير لإستئصال الورم. حجتي عليكم : المعلومات الدقيقة الي عندهم، إفلاتهم كل مرة، تزامن ما يفعلون مع أجندا سياسية و ظهورهم حسب الطلب، تاريخ الجيش الجزائري في صناعة جماعات مختصة في المجازر، إختيار أهدافهم، الإرهابي الي جابوه في التلفزة و قاللكم الأوامر تجي م الدزاير، "وحي" البعض بوقت العمليات بدقة، تسجيل الراجحي.. هي ليست أدلة.. فقط قرائن. لكن عندا تجتمع القرائن، كلها و كل مرة.. تصبح دليلا! تلك حججي، فهاتوا حججكم، إن كنتم صادقين! قتل إرهابي مدمغج جاد عليه ريق طاغوت و زمارة لن يحل المشكل : قطع دابر من يفكر لهم، يأمرهم فينفذون، يمدهم بالمعلومات و العتاد و يستثمر ما يفعلون : بلى. ربما أكون على ضلالة.. لم أدع يوما أني أمتلك الحقيقة. لكن وعد بيني و بينكم، كل ما أكتب ساعة ما أكتب، أكون مقتنعا به و أراه جليا. و حد ما عنده الحق يزايد عليا في اللوعة و الحسرة، دفنت بابا في جرة الإرهاب، و كل واحد يروح في صندوق، أرى أمي مكان زوجته و أعيد عيش يوم..الله لا يوريه لحبيب. {وَذَكِّرْ فَإِنَّ الذِّكْرَى تَنْفَعُ المُؤْمِنِينَ} تذكير 1 : صفحة أنصار الشريعة الي تبنات الهجوم، أحدثت منذ 5 أيام برك، تنجموا تثبتوا وحدكم. تذكير 2 : ما روج له إعلام العار على أنه إحتفالات سلفيين ببنزرت، هو إحتفال مجموعة BIG BOSS من أحباء النادي البنزتي بالذكرى الرابعة لتأسيسهم.