ونفى حسين جنيح، من خلال تدوينة على حسابه الرسمي "فايسبوك"، أنّ يكون القرار قد اتخذ عبر التصويت .
وأوضّح جنيح أنّ مهمته صلب المكتب الجامعي لكرة القدم هي الإشراف على المنتخب الوطني، ولا دخل له في المسابقات التي تشرف عليها الجامعة، مشدّدا على أنّه لا يريد التدخل.
وفيما يلي نص التدوينة:
"اول حاجة بش نسكر الموضوع راني ماحضرتش في اجتماع الجامعة متع البارح اصلا و راهو ثبّتت ماكانش فيه تصويت اصلا.
ثانيا راني مهمتي الوحيدة مسؤول على المنتخب لا عندي دخل لا مالبعيد لا مالقريب بالبطولة متاعنا ولا نحب نتدخل.
ثالث واخر حاجة حسرتي على جمعية الشابة المحترمة جدا خاصة من الناحية الرياضية الي في الآخر وفي الرسمي بش تلقى روحها وحدها وماهي بش تلقى حد متضامن معاها من 350 جمعية في تونس، اسألوني اني نهارة الي قلت ماناش لاعبين ماتش حمام الانف جمعة كاملة يدورو بيا على الاعناق و الجمعيات الكل يبعثولي برافو احنا معاك واولهم الجمعيات الكبار فيهم الي من مطار قابس يكلمو فيا وقتها واجتماعات من غدوة الخ... و من بعد باعونا في راس النهج وكمّل جمهورنا في الاخر ردنا احنا خسّرناه في البطولة خاطر قلنا ماعاش لاعبين... السنين هاكي كان سي صابر بوعطي يذكرو بالخير- الي حقيقة نحترمو برشة- رئيس لجنة الإستئناف متع الجامعة الي تحكم على بونجاح ب6 ماتشوات كي يفرح الخ...
مع الأسف الكورة الي مايعرفهاش مناش منفوخة مالداخل صعيب ياسر ينجم يفهمها... رغم الي تبان ساهلة مالبرة..."
