زووم - ردّت اليوم الأحد 13 أوت 2017 الناطقة بإسم رئيس الجمهورية سعيدة قراش على مُنتقدي قانون المساواة بين الجنسين في الاِرث.
وقد دّونت قرّاش ردّها في تدونية على حسابه الخاص على الفايسبوك نصها كالتالي :
''جماعة النص القرءاني واضح فسرولي علاش هناك مساواة في الارث في تركيا و اردوغان ما مسهاش و علاش ثمة حاجة اسمها تفرقة بين المعاملات و العبادات و علاش ما نطبقوش نصوص الحد و قطعان الروس و اليدين و الساقين و علاش ما نطبقوش نصوص العبودية و عتق الرقبة..... و جماعة موش وقتو قولونا وقتاش تلقاو الوقت توا نجيوكم في الوقت، فقط هناك رقم يجب الاحتفاظ به: 62% من النساء في القطاع الفلاحي يخدمو في الملكية العائلية الي باسم بوها والا خوها و الا راجلها و ما تخلصش و ما تاخوش اجر و 6,6 % فقط يستثمرو في الفلاحة يعني ينجموا ياخذو قروض على خاطر يملكو، المشكل موش ديني و الا مشكل وقت بل مشكل الاستقلال الاقتصادي للنساء و الي عندو المال عندو السلطة في العائلة و الا في المجتمع، اما مع استقلال سلطة القرار و الانعتاق او مع تكريس التبعية و بالتالي العبودية اما مع المساواة و الكرامة او مع الحيف و التمييز و امتهان كرامة نصف المجتمع، على فكرة عدد النساء في المجتمع التونسي هو 50,2 %''.
