زووم - قالت اِبنة أخت الطبيبة، ليلى المحمدي، التي تُوفيّت في مستشفى بوحجلة بالقيروان خلال مباشرة عملها، أنّ تصريحات المديرة الجهوية للصحة بالقيروان جانبت الواقع.

 

وأضافت اِبنة أخت الطبيبة، على حسابها الخاص على الفايسبوك، أنّ خالتها لم تكن تعاني من تخثر الدم وأنّ سبب موتها هو التعب والإرهاق والعمل لساعات إضافيّة تحت التهديد.

 

وفيما يلي التدوينة التي نشرتها :

 

"السلام عليكم انا بنت اخت المرحومة الطبيبة ليلى المحمدي نحب نقدم بلاغ تكذيب على الكلام الي قالاتو المديرة الجهوية للصحة بالقيروان ..

 

خالتي ماكانتش تعاني من تخثر الدم وماكان عندها حتى مرض سبب موتها هو التعب والارهاق والخدمة فوق الوقت ! السيدة هاذي قالت انو خالتي رجعت بارادتها للعمل وهذا كذب و راجلها شاهد انو جتها سيارة تابعة لوزارة الصحة هزتها للخدمة تحت التهديد ترجعي ولا ننقبولك النهارات !!! خالتي حبالتها صعيبة ولازمها راحة ماخلوهاش ترتاح قتلوها بالخدمة و الاطار الشبه الطبي بالمستشفى يشهد على هذا ! كان تخدم اكثر من الوقت اللازم خاطر مجبورة ما خلوهاش ترتاح حتى في اخر ايام حبالتها وعلى ابواب ولادة هددوها ورجعوها للخدمة بالسيف . و نتمنى توصلو الكلام هذا باسم عايلة المرحومة الكل

 

حسبي الله ونعم الوكيل بربي شنو ذنب زوز صغيرات يتحرمو من امهم بسبب المديرة هاذي الي هي صاحبة الوزيرة الروح بالروح يضغطو على الطبا بش يخدمو فوق الطاقة متاعهم بالسيف تعت الضغط والتهديد والي يرفض يا يتنقبلو الايامات يا ينقلوه نقلة عقوبة".