زووم تونيزيا
| الثلاثاء، 13 أكتوبر، 2020 على الساعة 21:33 | عدد الزيارات : 4092
نشر رئيس كتلة إئتلاف الكرامة و الناطق الرسمي ،سيف مخلوف تدوينة على صفحته الرسمية بالفايسبوك ،هاجم فيها النائب عن التيار الديمقراطي هشام العجبوني بعد نشر الاخير لتحديثة أعرب فيها عن رفضه و كتلته التصويت لمشروع تعديل قانون يخص القطاع السمعي البصري و هذا نص تدوينة مخلوف :
هاو علاش نفضنا ايدينا مالتيار .. خاطر قد ما شكرناهم ومدحناهم وكبّرنا بيهم .. قد ما طلعوا سُقّاط وخرشيين وقلال معروف ..
تعالي وعنجهية وتطاوس .. والمحتوى صفر
مناولة ووكالة وغير دستوري ولن يمرّ .. وكلام أكبر من جرمكم .. وكأنكم وحدكم تفكروا وعندكم عقول .. والناس لخرى يجيوا كان صُنّاع وخمّاسة !!!
مناولة ووكالة ؟؟ علاه لخرين مسحورين ما ينجموش يقدموها كان جات فكرتهم ؟؟
وغير دستوري ؟؟ بالله قوللنا فين جات عدم الدستورية إلّي ما قال بيها حد من كل الخبراء الدستوريين إلّي جابتهم اللجنة .. يا جهيبذ زمانك ؟؟
ولن يمرّ .. هاذي ماهيش بيدك .. يلزمك قبل تشاور عرفتك الزغراطة إلّي تسوق فيك كل مرّة للتيران متاعها .. وانت كيف " الدڤو " .. تتبرى منها الصباح .. وتصوّتلها العشيّة ..
وبالله نحبك تحكيها هالحكاية الحولة نهار الجلسة .. وما تروّحش عاد كان ما تسمع الرد والردود .. والرعد والرعود ..
#عجبوني_وادللت
#الصاع_بالصاعين_والصاعين_بالثلاثة
#قويّة_ورهدانة
